Aariz shams-o-qamar say

Aariz shams-o-qamar say bhi hain anwar ayerhiyan
Ar’sh ki aankhoon kay taaray hain wo khushtar ayerhiyan

Jabaja par to Fagan hain Aasman par ayerhiyan
Din ko hain Khurseed shab ko maah-o-akhtar ayerhiyan

Najam gardoon to nazar aatay hain chotay aur wo paaoun
Ar’sh phir kiyoon na hoon mahsoos lagar ayerhiyan

Dab kay zer pa na gunjayesh samanay ko rahi
Ban gaya jalwah kaf-e-pa ka ubhar kar ayerhiyan

Un ka mangta paaoun say thukra day wo dunya ka taaj
Jis ki khatir mar gay mun’am ragarh kar ayerhiyan

Do qamar do panja-e-khur do sitaray das hilaal
Un kay talway panjay naakhun paye athar ayerhiyan

Haye is pathar say is seena ki qismat phorhiye
Bay takalluf jis kay dil man yoon karain ghar ayerhiyan

Taaj rooh-ul-Qudus kay moti jisay sajdah karain
Rakhti hain wallah wo pakeezah go har ayerhiyan

Ayek thokar man uh’d ka zilzilah jata raha
Rakhti hain kitna waqar Allah Akbar ayerhiyan

Charkh par charhtay hi chandi man siyahi aagaye
Kar chuki hain badar ko takaal bahir ayerhiyan

Aye Raza toofan-e-mahshar kay talatum say na dar
Shaad ho hain kashti-e-ummat ko langar ayerhiyan

Poet :Imam Ahmad Raza Brailvi